Heiðdís Halla á Hönnunarmars 2019

HönnunarMars 2019 mun fara fram í Reykjavík 28.-31. mars 2019. 

Á HönnunarMars er hönnun kynnt sem atvinnugrein sem byggir á traustum grunni og gegnir veigamiklu hlutverki í samtímanum. Á meðal viðburða ár hvert eru sýningar, fyrirlestrar, uppákomur og innsetningar.
HönnunarMars sameinar allar greinar hönnunar; fatahönnun, arkitektúr, húsgagna- og innanhússhönnun, grafíska hönnun og vöruhönnun.

Heiðdís Halla, annar helmingur DUO., mun taka þátt í veislunni ár og sýna veggverkin sín af sýningunni FORM á tveimur stöðum, í Epal og í Hafnarhúsinu, Listasafni Reykjavíkur.

Veggverkin voru upphaflega tvívíð tölvugrafíkverk sem þróuðust yfir í þrívíð veggverk úr tré og textíl. Verkin ganga út á samspil fyrirfram ákveðinna forma og lita. Verkin spruttu af þörf starfandi grafísks hönnuðar til að færa sig frá tölvunni og vinna líka með efnið í höndunum til að skapa eitthvað fallegt, óháð amstri hversdagsins, pólitík, tilfinningum, vinnu, uppeldisstörfum og veðrinu.

Formlegar opnanir verða á báðum stöðum og við bjóðum alla hjartanlega velkomna sem vilja koma og fagna með okkur, skoða og spjalla.
Tímasetningar opnanna:
Epal  Miðvikudaginn 27.mars: 17:00–19:00
Hafnarhúsið  Fimmtudaginn 28.mars: 17:00–22:00

Hér eru gagnlegir tenglar fyrir áhugasama.

• FORM á HönnunarMars
• EPAL  /  Opnun í Epal  
• HAFNARHÚSIР /  Opnun í Listasafninu
• Heimasíða Heiðdísar Höllu

Við hlökkum mikið til og ykkur er öllum boðið!
​
Á HönnunarMars býðst tækifæri til að auðga andann og sækja innblástur. Hátíðin er orðin mikilvægt hreyfiafl í íslensku samfélagi og er viðskiptalegt vægi hátíðarinnar mikið fyrir þátttakendur.

Sjáumst á HönnunarMars!